வலைத்தளங்களுக்கான அதியமான் எழுத்துரு மாற்றி 1.0
Google Buzz Logo

நீங்கள் TAM/TAB/TSCII/TUNE போன்ற குறியேற்றத்தில் அமைந்த தமிழ் வலைத்தளத்தின் உரிமையாளர் அல்லது வலை நிர்வாகியா? உங்கள் வலைத்தளத்தை ஒருங்குறிக்கு மாற்ற வேண்டும் என்று எண்ணி அந்தத் திட்டத்தை போதிய நேரம்/ஆள் பலம் இன்றி தள்ளி வைத்துக் கொண்டிருக்கிறீர்களா?

இத்தகைய வலைத்தளத்தின் வலைப்பக்கங்களை முழுமையாக ஒருங்குறிக்கு மாற்றுவதற்காக உருவாக்கப்பட்டதே "வலைத்தளங்களுக்கான அதியமான் மாற்றி" (Adhiyaman for websites)

இந்த மாற்றியைப் பயன்படுத்தி உங்கள் முழு வலைத்தளத்தையும் TAM/TAB/TSCII/TUNE போன்ற குறியேற்றத்திலிருந்து ஒருங்குறிக்கு எளிதாக மாற்றிக் கொள்ளலாம்.

மேலதிக தகவல்களுக்குப் பார்க்க http://www.higopi.com/a4web/ReadMe.html


நீங்கள் வலை நிர்வாகியாக இல்லாவிட்டாலும் உங்களுக்குத் தெரிந்த அத்தகைய வலைத்தளங்களின் உரிமையாளர்கள்/நிர்வாகிகளுக்கு இந்தத் தகவலை அறியத் தருமாறு வேண்டுகிறேன்.

இந்த நிரல் திட்டத்திக்கான தேவையைத் தெரிவித்து எனக்கு ஊக்கமளித்த
உலக பொதுவுடைமையாளர் வலைத்தளத்தை (http://www.wsws.org/tamil/) சேர்ந்த உலகன் மற்றும் இரா.குமரன் ஆகியோருக்கும், இதன் முன் வெளியீட்டுக் கோப்பினை சோதித்துப் பார்த்து அடுத்த வெளியீட்டுக்கும் இப்போதே பல தேவைகள்/வசதிகள் குறித்த யோசனைகளை அளித்த தமிழா! கட்டற்ற தமிழ்க்கணிமை குழுவைச் சார்ந்த முகுந்த், க்ருபா சங்கர், அமலசிங், மு.மயூரன் மற்றும் கா.சேது ஆகியோருக்கும் எனது மனமார்ந்த நன்றியைத் தெரிவித்துக் கொள்கிறேன்.

இந்த வெளியீட்டில் வழு ஏதும் தெரிவிக்க விரும்புவோர் தனிமடல் மூலம் தெரிவிக்கவேண்டுகிறேன்.

உலாவும் உலகத் தமிழர்கள் அனைவருக்கும் என் இனிய தைப்பொங்கல் தமிழர் திருநாள் வாழ்த்துக்கள்