அதியன் 3.0.0 வெளியீடு
Google Buzz Logo

அதியன் ஃபயர்ஃபாக்ஸ் நீட்சியின் அடுத்த வெளியீடான 3.0.0ஐ இங்கே தரவிறக்கம் செய்து நிறுவிக் கொள்ளலாம்.

இந்த வெளியீட்டில் களையப்பட்ட வழுக்கள்:

  1. ஆங்கில சொற்றொடர்களும் தெரிவு செய்த தகுதரத்துக்கு மாறுகின்றன
  2. ஒகர ஓகார ஔகார ஒற்றுக்களின் canonical equivalence வழு
இந்த வெளியீட்டில் புதிய வசதிகள்:

அ.வலைத்தள முன் தெரிவுகள்

குறிப்பிட்ட வலைத்தளங்களுக்கு தேவையான எழுத்துரு மாற்றத்தை முன் தெரிவு செய்ய இயலும். அவ்வலைத்தளங்களில் உலாவும் போது தானியங்கு முறையில் எழுத்துரு மாற்றம் செய்யப்படும். சில தகுதரம் அறியப்பட்ட தளங்கள் முன் தெரிவுப் பட்டியலில் சேர்க்கப்பட்டுள்ளன.

ஆ.புதிய எழுத்துரு மாற்றங்கள்

தினத்தந்தி, தினமணி ஆகிய தளங்களுக்கான எழுத்துரு மாற்றங்கள் சேர்க்கப்பட்டுள்ளன.

இ. வலச்சொடுக்கிப் பட்டியல்

இப்போது எந்தெந்த எழுத்துரு மாற்றங்களை வலச்சொடுக்கிப் பட்டியலில் காட்ட வேண்டும் என்பதை தெரிவு செய்ய இயலும். வலைத்தள முன்தெரிவில் தேர்ந்தெடுத்த எழுத்துரு மாற்றங்கள் ஏற்கனவே வலச்சொடுக்கிப் பட்டியலில் தெரிவு செய்யப்படாதிருந்தால் தானாகவே தெரிவு செய்துவிடும்.

விரைவில் இந்த வெளியீடு மொசில்லா நீட்சிகள் தளத்திலும் கிடைக்க வகை செய்யப்பட்டுள்ளது. அப்போது ஏற்கனவே இந்நீட்சியை நிறுவியுள்ளோரின் உலாவிகள் புதுப்பிக்க சோதிக்கும் போது தானியங்கு முறையில் தரவிறக்கி புதுப்பித்துக் கொள்ளும்.

இந்த வெளியீட்டின் வழுக்களை சோதித்து விரிவான வழு அறிக்கை அளித்த தமிழா! கட்டற்ற தமிழ்க்கணிமை குழுவைச் சேர்ந்த சேது அவர்களுக்கும் மற்றும் இதன் முன் வெளியீட்டு சோதனையின் போது பங்கேற்ற அனைவருக்கும் மிக்க நன்றி.

இந்த வெளியீட்டில் வழு ஏதும் தெரிவிக்க விரும்புவோர் http://adhiyan.mozdev.org/bugs.html என்ற முகவரியில் தெரிவிக்க வேண்டுகிறேன்.

உலகெங்கும் உலாவும் தமிழர்கள் அனைவருக்கும் என் இனிய தைப்பொங்கல் திருநாள் வாழ்த்துக்கள்

4 கருத்து(க்கள்):

Kasi Arumugam - காசி |

கோபி,

தமிழ்க் கணிமை வளர்ச்சிக்கு பெரும் பயனளிக்கும் உங்கள் பங்களிப்புகளுக்கு பாராட்டுக்கள்.பொங்கல் வாழ்த்துகளும்.


ரவிசங்கர் |

நன்றி கோபி.


Murali |

Dear Gopi

Thanks for the new extension. I very much appreciate your efforts in making the browsing experience in Tamil a good one!

For those folks like me who are not so well versed with Tamil terms could you post an English version of the announcement please? (:))

It would be very much appreciated.

Murali
KS, USA.

PS. Hope you had a happy Pongal festival.


கோபி(Gopi) |

Murali,

The same announcement in English can be found in my website under News section.